Adulterated Milk | तुमच्या दुधात तर भेसळ नाही ना? ‘अशा’प्रकारे ओळखा भेसळयुक्त दूध

Adulterated Milk | तर शेतकरी दुधाचे उत्पादन घेऊन मोठ मोठ्या कंपन्यांना डेअरी मार्फत पाठवतात. मात्र, अनेकदा तुम्हाला म्हशीच्या किंवा गायीच्या खऱ्या दुधाच्या नावाखाली भेसळयुक्त आणि बनावट दूध (Adulterated Milk) दिले जाते आणि हे तुम्हाला फार काळ कळतही नाही. सण-उत्सवाच्या काळात बनावट आणि भेसळयुक्त दुधाचा (Dairy Business) धंदा खेड्यापाड्यात तसेच मोठ्या शहरांमध्येही फोफावतो. मात्र माहितीअभावी कृत्रिम की, भेसळयुक्त दूध आणि योग्य दूध यात फरक करता येत नाही.

शुद्ध दूध कसे ओळखावे?
सर्वप्रथम, दुधात पाण्याची भेसळ तपासण्यासाठी, दुधाचे एक-दोन थेंब लाकडावर किंवा दगडावर टाका. जर दूध खालच्या दिशेने वाहत असेल आणि त्यावर पांढरा रंग निर्माण झाला असेल तर दूध पूर्णपणे शुद्ध आहे.

वाचा: lumpy skin Disease | पशुपालकांनो काळजी घ्या! जनावरांमध्ये पसरतोय ‘हा’ विषाणू, आतापर्यंत 999 जनावरे दगावली

सिंथेटिक दूध कसे ओळखावे?
सिंथेटिक दुधाचा वास घ्या. जर त्याला साबणासारखा वास येत असेल तर याचा अर्थ दूध सिंथेटिक आहे, तर खऱ्या दुधाला काही विशेष वास येत नाही.

बनावट दूध कसे ओळखावे?
खरे दूध साठवल्यावर त्याचा रंग बदलत नाही, तर बनावट दूध काही काळानंतर पिवळे होऊ लागते. जेव्हा आपण खरे दूध उकळतो तेव्हा त्याचा रंग बदलत नाही, भेसळयुक्त दूध उकळल्यावर ते पिवळे होते.

वाचा: Weather | शेतकऱ्यांच्या चिंतेत भर! राज्यासह ‘या’ भागांत पुढच्या दोन दिवसांत मुसळधार पावसाचा इशारा

हातावर चोळल्याने
चांगले दूध हातावर चोळल्याने स्निग्धपणा जाणवत नाही. त्याचवेळी, जर तुम्ही भेसळयुक्त दूध तुमच्या हातांमध्ये घासले तर तुम्हाला डिटर्जंटसारखे स्निग्धता जाणवेल.

दुधात डिटर्जंटची भेसळ कशी ओळखावी?
दुधात डिटर्जंटची भेसळ शोधण्यासाठी, 5-10 मिलीग्राम दूध एका काचेच्या कुपीमध्ये किंवा टेस्ट ट्यूबमध्ये घ्या आणि जोरदार हलवल्याने फेस तयार झाला आणि बराच काळ टिकून राहिला तर त्यात डिटर्जंट असल्याचे समजेल.

युरियाची भेसळ असलेले दूध
साधारणपणे युरिया शेतीत खत म्हणून वापरला जातो. मात्र युरिया पांढरा असल्याने त्याची भेसळ दुधात केली जाते. अशाप्रकारे युरिया मिक्स असलेले दूध ओळखण्यासाठी दूध एका छोट्या टेस्ट ट्यूबमध्ये ठेवा. त्यानंतर त्यात थोडी सोयाबीन पावडर घाला आणि चांगले मिसळा. काही वेळ थांबल्यानंतर त्यात लाल लिटमस पेपर टाका. 30 मिनिटांनंतर कागदाचा रंग लाल वरून निळा झाला तर त्या दुधात युरिया मिक्स आहे असे समजा.

मी E-शेतकरी आता टेलीग्राम आणि व्हाट्सअँप वर जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

आजच ताज्या बातम्यांसाठी मी E-शेतकरी मोबाईल अ‍ॅप डाऊनलोड करा; येथे क्लिक करून डाउनलोड करा..

हेही वाचा:

• Sugarcane | शेतकऱ्यांसाठी खुशखबर! ऊसाच्या एफआरपीचे 31 हजार कोटी खात्यावर जमा, जाणून घ्या किती टक्के दिली रक्कम
• Eknath Shinde | 24 दिवसांत शिंदे सरकारची धडाकेबाज कामगिरी! हटवले तब्बल 538 शासन निर्णय, एकदा वाचाच…

Web Title: Is your milk not adulterated? Identify adulterated milk in this way