तुमचं फास्टॅगचं KYC अजूनही अपडेट झालं नाही का? लवकर करा, नाहीतर…

मुंबई: 31 मार्च 2024 पर्यंत तुमच्या कारच्या फास्टॅगचं KYC अपडेट न केल्यास ते निष्क्रिय केले जाणार आहे किंवा बँकेद्वारे ब्लॅकलिस्टेड केले जाईल. याचा अर्थ तुम्ही टोल प्लाझावरून जाताना तुमच्या फास्टॅगद्वारे पैसे भरू शकणार नाही, जरी तुमच्या फास्टॅगमध्ये पैसे असले तरीही.

NHAI ला रिझर्व्ह बँक ऑफ इंडिया (RBI) कडून फास्टॅग KYC प्रक्रिया पूर्ण करण्याचे निर्देश देण्यात आले आहेत. यामुळे टोल प्लाझावरून होणाऱ्या व्यवहारांमध्ये अधिक पारदर्शकता आणि सुरक्षा येईल.

तुम्ही तुमचं फास्टॅग KYC दोन्ही प्रकारे करू शकता:

ऑनलाइन:

1. फास्टॅगच्या अधिकृत वेबसाइटला भेट द्या: http://www.fastag.ihmcl.com/
2. ‘KYC’ पर्यायावर क्लिक करा.
3. ‘Customer Type’ वर क्लिक करा आणि ‘Declaration’ बॉक्सवर क्लिक करा.
4. आवश्यक कागदपत्रे जसे की ओळखपत्र, पत्ता पुरावा, पासपोर्ट आकाराचा फोटो आणि तुमचा पत्ता भरा.
5. सर्व माहिती काळजीपूर्वक तपासून सबमिट करा.

ऑफलाइन:

1. तुमच्या बँकेच्या शाखेत जा.
2. पॅन कार्ड, ॲड्रेस प्रूफ आयडी आणि पासपोर्ट आकाराचा फोटो जमा करा.
3. बँकेकडून फास्टॅग KYC फॉर्म घ्या आणि ते पूर्णपणे भरा.
4. आवश्यक कागदपत्रांसह भरलेला फॉर्म बँकेत जमा करा.
5. बँकेकडून तुमच्या फॉर्मची पडताळणी केली जाईल आणि तुम्हाला ईमेल आणि SMS द्वारे सूचना मिळेल.

तुम्ही तुमचं फास्टॅग KYC लवकरात लवकर अपडेट करा आणि टोल प्लाझावरून जाताना कोणत्याही अडचणी टाळा.