९० रुपयांचे स्मृती नाणे लवकरच बाजारात!

मुंबई: भारतीय रिझर्व्ह बँकेच्या स्थापनेला ९० वर्षे पूर्ण झाल्यानिमित्त, सरकार ९० रुपयांचे शुद्ध चांदीचे स्मृती नाणे लवकरच बाजारात आणणार आहे. नाण्यांचा संग्रह आणि अभ्यास करणारे सुधीर लुणावत यांच्या मते, हे देशातील पहिलेच ९० रुपयांचे नाणे असेल.

या नाण्याची खासियत:

• किंमत: अंदाजे ५,२०० ते ५,५०० रुपये
• वजन: ४० ग्रॅम
• व्यास: ४४ मिमी
• धातू: शुद्ध चांदी (९९.९%)
• किनारा: २०० दात

पहिली बाजू:

• मधोमध अशोक स्तंभ
• ‘सत्यमेव जयते’ अशी अक्षरे
• डावीकडे देवनागरी लिपीत ‘भारत’
• उजव्या बाजूला इंग्रजी लिपीत ‘इंडिया’
• अशोक स्तंभाखाली रुपयाच्या प्रतीक चिन्हासह ९० असा आकडा

दुसरी बाजू:

• मध्यभागी रिझर्व्ह बँकेचा लोगो
• ‘आरबीआय@९०’ असे इंग्रजीत लेखन
• रिझर्व्ह बँकेच्या ९० व्या वर्धापन दिनाचे प्रतीक

हे नाणे खास का?

• हे भारतीय रिझर्व्ह बँकेचे तिसरे स्मृती नाणे आहे.
• यापूर्वी १९८५ साली रिझर्व्ह बँकेच्या सुवर्ण जयंतीनिमित्त आणि २०१० साली प्लॅटिनम जयंतीनिमित्त स्मृती नाणी जारी करण्यात आली होती.

हे ९० रुपयांचे स्मृती नाणे नाणेसंग्राहकांसाठी आणि रिझर्व्ह बँकेच्या इतिहासाशी संबंधित वस्तू जमा करणाऱ्यांसाठी खास आकर्षण ठरेल.