Agriculture Scheme | आनंदाची बातमी! शेतकऱ्यांच्या खात्यात 50 कोटींचा फळबाग अनुदान निधी येणार

Agriculture Scheme | भाऊसाहेब फुंडकर फळबाग लागवड योजनेच्या लाभार्थी शेतकऱ्यांसाठी आनंदाची बातमी आहे. राज्य सरकारने योजनेच्या सर्वसाधारण प्रवर्गासाठी 50 कोटी रुपयांचा अनुदान निधी (Agriculture Scheme) कृषी विभागाला उपलब्ध करून दिला आहे. या निधीमुळे मार्चअखेर संबंधित शेतकऱ्यांच्या बँक खात्यात अनुदान जमा होण्याची अपेक्षा आहे.

चालू वर्षात य योजनेची जोरदार वाढ: यंदाच्या आर्थिक वर्षात फुंडकर फळबाग योजनेला चांगला प्रतिसाद मिळाला आहे. या योजनेअंतर्गत आतापर्यंत तब्बल 15 हजार 925 हेक्टर नवीन क्षेत्रावर फळबाग लागवड झाली आहे. या लागवडीसाठी शेतकऱ्यांना आतापर्यंत सुमारे 29 कोटी 95 लाख रुपये इतके अनुदान वितरित करण्यात आले आहे.

मनरेगा पर्यायी, फुंडकर फायदेशीर: केंद्र सरकारच्या महात्मा गांधी ग्रामीण रोजगार हमी योजना (मनरेगा) अंतर्गत काही अटींमुळे सर्व शेतकरी फळबाग लागवडीसाठी पात्र ठरत नाहीत. अशा वेळी राज्य सरकार शेतकऱ्यांना भाऊसाहेब फुंडकर फळबाग लागवड योजनेचा लाभ देऊन मदत करते. मनरेगाच्या कठोर नियमांमुळे अनेक शेतकरी फुंडकर योजनेकडे अधिक आकर्षित होतात.

वाचा |

104 कोटींचा अनुदान निधी मंजूर: चालू आर्थिक वर्षात फुंडकर फळबाग लागवड योजनेसाठी सरकारने 104 कोटी 50 लाख रुपयांचा अनुदान निधी मंजूर केला आहे. या निधी वितरणासाठी कृषी आयुक्तालयाच्या फलोत्पादन संचालकांनी शासनाकडे मागणी केली होती. त्यानुसार 4 जानेवारी रोजी 20 कोटी रुपयांचे अनुदान वितरित करण्यात आले होते. आता नुकतेच सर्वसाधारण प्रवर्गाचा 50 कोटी रुपयांचा अतिरिक्त अनुदान निधी कृषी विभागाला देण्यात आला आहे. शासनाने कृषी आयुक्तालयाला दिलेल्या सूचनांनुसार, हा निधी तात्कल वितरित करून शेतकऱ्यांच्या खात्यात जमा करण्यावर भर देण्याची गरज आहे.

पात्र शेतकऱ्यांनी अर्ज करावेत: भाऊसाहेब फुंडकर फळबाग लागवड योजनेतून फायदा घेण्यासाठी पात्र असलेल्या शेतकऱ्यांनी त्यांच्या तालुका कृषी अधिकारी कार्यालयाशी संपर्क साधावा. आवश्यक अर्ज करून योजनेचा लाभ घेऊन फळाच्या लागवडीला चालना द्यावी.

Web Title | Agriculture Scheme | Good news! 50 crore orchard subsidy fund will be available in farmers’ accounts

हेही वाचा