Ayushman Bharat Yojana | ‘आयुष्मान भारत योजने’चा नागरिकांना कोणत्या रुग्णालयात मिळतो लाभ; लगेच ‘अशा’प्रकारे पाहा यादी

Ayushman Bharat Yojana | केंद्र सरकारच्या आयुष्मान भारत योजनेमुळे गरीब रुग्णांसाठी मोफत आरोग्य सुविधा (Ayushman Bharat Yojana) मिळणं आता सोपं झालं आहे. या योजनेअंतर्गत, लाभार्थींना सरकारी आणि निम-सरकारी रुग्णालयांमध्ये कॅन्सर, किडनी, हृदयरोग, डेंग्यू, मलेरिया, डायलिसिस, गुडघा आणि हिप प्रत्यारोपण यासह अनेक आजारांसाठी 5 लाख रुपयांपर्यंत मोफत उपचार मिळू शकतात.अनेक लोकांना अजूनही हे माहित नाही की ते या योजनेचा लाभ कोणत्या रुग्णालयात घेऊ शकतात. या समस्येवर तोडगा काढण्यासाठी, आम्ही तुम्हाला आयुष्मान कार्डद्वारे कोणत्या रुग्णालयात उपचार उपलब्ध आहेत हे कसे शोधायचे याबद्दल मार्गदर्शन करणार आहोत.

वाचा: राज्यात ‘या’ 7 जिल्ह्यांत विजा अन् मेघगर्जनेसह पाऊस; तर 11 जिल्ह्यांना उष्णतेची लाटेचा इशारा

आयुष्मान कार्डद्वारे उपचार उपलब्ध असलेली रुग्णालये कशी शोधायची?

1. आयुष्मान भारत वेबसाइटला भेट द्या: सर्वप्रथम, तुम्हाला [https://abdm.gov.in/] या अधिकृत आयुष्मान भारत वेबसाइटला भेट द्यावी लागेल.

2. आवश्यक माहिती द्या: वेबसाइटवर, “आजार निवडा”, “मोबाइल नंबर” आणि “तुमचा जिल्हा” यासारख्या आवश्यक माहिती टाका.

3. रुग्णालयांची यादी मिळवा: तुम्ही सबमिट केल्यानंतर, तुमच्यासमोर तुमच्या जिल्ह्यातील आयुष्मान भारत योजनेचा लाभ देणाऱ्या रुग्णालयांची यादी दर्शवणारी स्क्रीन दिसेल. या यादीमध्ये प्रत्येक रुग्णालयाचे नाव आणि पत्ता असेल.

हेही वाचा: शेतकऱ्यांसाठी महत्वाची बातमी! आता द्रवरूप नॅनो युरिया; जाणून घ्या काय आहे किंमत आणि फायदे?

आयुष्मान योजनेसाठी अर्ज कसा करावा?

पात्रता: आयुष्मान भारत योजनेसाठी अर्ज करण्यासाठी, तुम्ही आर्थिकदृष्ट्या कमकुवत असणे आवश्यक आहे.

अर्ज प्रक्रिया:

1.(https://dashboard.pmjay.gov.in/) या अधिकृत वेबसाइटला भेट द्या.

2. तुमचा मोबाइल नंबर आणि कॅप्चा टाका आणि OTP सबमिट करा.

3. तुमचे राज्य निवडा.

4. तुमचे नाव, मोबाइल नंबर, रेशन कार्ड आणि इतर आवश्यक माहिती द्या.

5. “कुटुंबातील सदस्यांचा टॅब” मध्ये लाभार्थी जोडा.

6. आवश्यक तपशीलांचे मूल्यांकन केल्यानंतर, सरकार तुम्हाला आयुष्मान कार्ड जारी करेल.