Grape Farming | शेतीत भरघोस उत्पन्न हवंय? तर करा ‘अशा’पद्धतीने द्राक्षाची लागवड, जाणून घ्या महत्त्वाच्या गोष्टी
महाराष्ट्रात अनेक प्रकारच्या फळशेतीची लागवड केली जाते. शेतकरी मोठ्या प्रमाणात नफा कमावण्यासाठी विविध फळशेतींचे (Fruit farming) प्रयोग करत असतात.
Grape Farming | मात्र गेल्या कित्येक दशकांपासून फळशेतीत नावारूपाला आलेली द्राक्षाची फळशेती (Grape Fruit Farming) हीची चर्चाच न्यारी आहे. बक्कळ आर्थिक नफा मिळावा यासाठी शेतकऱ्यांचा सर्वाधिक कल हा द्राक्ष लागवड (Grape Planting) करण्याकडे असल्याचा पाहायला मिळत आहे. आता द्राक्ष शेती हा आर्थिक दृष्टिकोनातून सर्वात महत्त्वाचा बागायती उद्योग (Horticulture industry) म्हणून प्रगती करत आहे.
नागपुरात केली जाते सर्वाधिक द्राक्षाची लागवड
द्राक्षांच्या लागवडीची पद्धत खूप बदलते आणि खतांपासून (Fertilizer) कीटकांपासून (Insects) संरक्षण करण्यासाठी अनेक पद्धती वापरल्या जातात. देशाच्या अनेक भागात द्राक्षांची लागवड होत असली तरी महाराष्ट्रातील नाशिक जिल्हा द्राक्ष लागवडीसाठी सर्वात योग्य ठिकाण आहे. नाशिकमध्ये द्राक्षांची इतकी लागवड होते की, देशातील 70 टक्के द्राक्षे नाशिकमध्ये घेतली जातात. चला तर मग जाणून घेऊयात द्राक्षाची योग्य प्रकारे कशी शेती करावी.
द्राक्ष लागवडीसाठी योग्य जमिनीची निवड कशी करावी?
द्राक्षांची लागवड (Planting of grapes) किंवा बागकाम जवळजवळ सर्व प्रकारच्या मातीत करता येते. द्राक्षांची मुळांची रचना लांब असते आणि ती मजबूत असते. त्यामुळे खडकाळ, वालुकामय ते गुळगुळीत आणि उथळ तसेच खोल जमिनीत चांगली वाढ होते. पाण्याचा निचरा चांगला असेल, तर वालुकामय चिकणमाती जमिनीतही द्राक्षांची लागवड करता येते.
द्राक्षे कशी लावायची व खड्डा कसा तयार करावा?
द्राक्ष बागायतीसाठी खड्डा तयार करण्यासाठी सुमारे 50×50×50 सेमी आकाराचा खड्डा खांदून आठवडाभर उघडा ठेवून खड्डा तयार केला जातो. द्राक्षे लागवड करताना खड्डे कुजलेले खत (15-18 किलो), 250 ग्रॅम निंबोळी केक, 50 ग्रॅम सुपर फॉस्फेट आणि 100 ग्रॅम पोटॅशियम सल्फेट प्रति खड्ड्याने भरले जातात.
द्राक्ष लागवडीमध्ये खताचे प्रमाण?
द्राक्ष पिकाला अनेक प्रकारच्या पोषक तत्वांची आवश्यकता असते. म्हणून नियमित आणि संतुलित प्रमाणात खत वापरा. या शेतीमध्ये प्रामुख्याने मुळांमध्ये खड्डे करून खत दिले जाते आणि ते मातीने झाकले जाते. द्राक्षाच्या वेलीला रोग-किडीपासून वाचवण्यासाठी प्रामुख्याने औषधाची फवारणी करावी किंवा मुळात काही औषध टाकावे.
वाचा: Mango | नादचखुळा! शेतकऱ्याने पिकवला ‘या’ जातीचा आंबा, तब्बल दोन ते तीन लाख मिळतोय भाव
द्राक्षांना सिंचन कसे करावे?
देशातील अर्ध-शुष्क प्रदेशात द्राक्षांची लागवड केली जाते. त्यामुळे या लागवडीसाठी वेळोवेळी सिंचनाची आवश्यकता असते. द्राक्ष पिकामध्ये पुरेसा ओलावा टिकवून ठेवण्यासाठी 7-8 दिवसात एक पाणी द्यावे व शेतकरी बांधवांनी हंगामानुसार पाणी द्यावे. आजकाल देशातील बहुतांश शेतकरी द्राक्ष पिकामध्ये ठिबक सिंचन (थेंब-थेंब सिंचन प्रणाली) वापरतात, ज्याचे अनेक फायदे आहेत.
द्राक्षाची काढणी करताना या गोष्टी लक्षात ठेवा…
द्राक्षाची काढणीनंतर छाटणी करताना, फळे 4.4 अंश तापमानावर 6-7 तास ठेवावीत. जेणेकरून ते थोडे थंड राहतील आणि त्यांचा ताजेपणा बराच काळ टिकून राहतील आणि ते खराब होणार नाहीत.
खर्च व नफा
द्राक्षाच्या बागेची लागवड करण्यासाठी सुमारे 2 ते 2.50 लाख इतका खर्च येतो. त्याचप्रमाणे द्राक्षीला चांगला भाव मिळाल्यानंतर तब्बल 7 ते 8 लाखांचा फायदा होतो.
मी E-शेतकरी आता टेलीग्राम आणि व्हाट्सअ‍ॅपवर जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
आजच ताज्या बातम्यांसाठी मी E-शेतकरी मोबाईल अ‍ॅप डाऊनलोड करा; येथे क्लिक करून डाउनलोड करा..
हेही वाचा:
