Ratnadeep Medical Foundation Case | रत्नदीप मेडिकल फाउंडेशन प्रकरण अध्यक्ष डॉ. भास्कर मोरे अटक!

Ratnadeep Medical Foundation Case | महाराष्ट्रभर खळबळ उडवून देणाऱ्या रत्नदीप मेडिकल फाउंडेशन प्रकरणात मोठी अपडेट आली आहे. बुधवार (दि. १३) सायंकाळी स्थानिक गुन्हे शाखेच्या पथकाने फाउंडेशनचे(Ratnadeep Medical Foundation Case) अध्यक्ष डॉ. भास्कर मोरे यांना भिगवण (ता. इंदापूर, जि. पुणे) येथून ताब्यात घेत अटक केली आहे.

गेल्या नऊ दिवसांपासून विद्यार्थी आणि सामाजिक कार्यकर्ते पांडुरंग भोसले यांनी डॉ. मोरे यांना अटक करण्याची आणि विद्यार्थ्यांच्या मागण्या मान्य करण्याची मागणी करत जामखेडमध्ये उपोषण सुरू केले होते.

विद्यार्थ्यांनी रत्नदीप संस्थेकडून शैक्षणिक, शारीरिक, मानसिक आणि आर्थिक छळाचे आरोप केले होते. याच आरोपांवरून एका विद्यार्थिनीने डॉ. मोरे यांच्या विरोधात विनयभंगाची तक्रारही दाखल केली होती.

आंदोलनाचा नववा दिवस असताना बुधवार सायंकाळी आमदार प्रा. राम शिंदे यांनी आंदोलनकर्त्यांशी संवाद साधला. यावेळी डॉ. मोरे यांना अटक केल्याची माहिती मिळताच उपस्थित नागरिक आणि उपोषणकर्ते पांडुरंग भोसले यांनी आनंद व्यक्त केला.

वाचा | Gold Loan Fraud | रिझर्व्ह बँकेने गोल्ड लोन फसवणुकीच्या प्रकरणांमध्ये घेतली कठोर भूमिका; जाणून घ्या सविस्तर …

पुढील काय?

डॉ. मोरे यांच्यावर आता काय कारवाई होणार याकडे सर्वांचे लक्ष लागले आहे. तसेच, विद्यार्थ्यांच्या मागण्या मान्य करण्याबाबत काय निर्णय घेतला जातो हेही पाहणे बाकी आहे.

पांडुरंग भोसले यांची मागणी

डॉ. मोरे यांच्या अटकेनंतर पांडुरंग भोसले यांनी आभार मानत डॉ. मोरे यांची चौकशी करून फाउंडेशनच्या इतर सहा संचालकांवर गुन्हा दाखल करून त्यांना अटक करण्याची मागणी केली आहे.

मुख्यमंत्र्यांकडून चौकशीची ग्वाही

दरम्यान, या प्रकरणी मुख्यमंत्री एकनाथ शिंदे यांनी रत्नदीपच्या कारभाराची आणि घडलेल्या घटनांची जिल्हाधिकाऱ्यांच्या उच्चस्तरीय समितीमार्फत चौकशी करण्याची ग्वाही उपोषणकर्ते पांडुरंग भोसले आणि विद्यार्थ्यांना दिली आहे.

विद्यापीठाकडून विद्यार्थ्यांच्या शैक्षणिक मागण्यांबाबत लेखी आश्वासन मिळाल्याने आंदोलन आणि उपोषण मागे घेण्यात आले आहे.

हे प्रकरण महाराष्ट्रातील शिक्षण क्षेत्रातील गंभीर परिस्थितीकडे लक्ष वेधते. शिक्षण संस्थांमध्ये विद्यार्थ्यांवर होणाऱ्या अत्याचाराबाबत त्वरित आणि कठोर कारवाई होणे गरजेचे आहे.

Web Title | Ratnadeep Medical Foundation Case | Ratnadeep Medical Foundation Affairs Chairman Dr. Bhaskar More arrested!

हेही वाचा