Electric Scooter | आत्ताच बुक करा नाहीतर हातून जाईल! 1 लाखाच्या बजेटमध्ये 151 किमी धावणारी सिंपल एनर्जीची ‘डॉट वन’ धमाकेदार एंट्री!

Electric Scooter | भारतातील इलेक्ट्रिक वाहन क्षेत्रात आघाड ठरणारी ‘सिंपल एनर्जी’ कंपनीने आज त्यांची नवीन आणि किफायतशीर इलेक्ट्रिक स्कूटर ‘डॉट वन’ लाँच केली आहे. ही (Electric Scooter) स्कूटर रु. 1 लाख (एक्स-शोरूम) या प्रारंभिक किमतीत बाजारात आली असून, प्री-बुकिंग केलेल्या ग्राहकांना सर्वप्रथम बेंगलुरुमध्ये याचे वितरण करण्यात येणार आहे. नंतर टप्प्याटप्याने ती इतर शहरांमध्येही उपलब्ध होणार आहे.

डॉट वन हे कंपनीच्या प्रीमियम ‘वन’ स्कूटरचे बजेट-फ्रेंडली रूप आहे. त्याच्या डिझाईन आणि फीचर्समध्ये फारसा बदल नसला तरी, यात काही महत्त्वपूर्ण मेकॅनिकल बदल करण्यात आले आहेत. यात ड्युअल बॅटरीऐवजी फिक्स बॅटरी देण्यात आली आहे. डॉट वन एकाच व्हेरिएंटमध्ये उपलब्ध आहे, ज्यामध्ये 3.7 किलोवाट-तास क्षमतेची बॅटरी आहे. कंपनीचा दावा आहे की, ही बॅटरी एका चार्जवर तब्बल 151 किलोमीटरपर्यंत रेंज देते, जे या प्रकारात सर्वाधिक असल्याचे त्यांचे म्हणणे आहे. 8.5 किलोवाट क्षमतेचा इलेक्ट्रिक मोटार 72 न्यूटन मीटर पीक टॉर्क जनरेट करतो, त्यामुळे ही स्कूटर केवळ 2.7 सेकंदात 0 ते 40 किमीचा वेग गाठू शकते.

यात 12 इंचाच्या व्यासाची ट्यूबलेस टायर असलेली चक्रे आहेत. सुरक्षिततेसाठी सीबीएससह डिस्क ब्रेक्स आणि 35-लिटरचा मोठा स्टोरेज स्पेस देण्यात आला आहे. या स्कूटरमध्ये 7.0 इंचाचा टचस्क्रीन इन्स्ट्रुमेंट क्लस्टर आहे, जो अँड्रॉइड ओएसवर चालतो आणि त्यात टर्न-बाय-टर्न नेव्हिगेशन, ब्लूटूथ कनेक्टिव्हिटी, बॅटरी आणि रेंज इन्फोग्राफिक्स, कॉल अलर्ट आणि ओटीए अपडेट्स हे फीचर्स आहेत.

वाचा : Electric Bike | इलेक्ट्रिक बाइक Orxa Mantis लॉन्च, 221 किमी रेंज आणि 135 किमी/तासची टॉप स्पीड

डॉट वन चार रंगांमध्ये उपलब्ध आहे – नम्मा रेड, ब्रेझन ब्लॅक, ग्रेस व्हाइट आणि अॅझ्योर ब्लू. विशेष ऑफर म्हणून कंपनी यासोबतच लाइटएक्स आणि ब्रेझनएक्स हे अतिरिक्त रंग विकल्पही देत आहे.

नवीन ग्राहक वाट पाहतील?

डॉट वन सध्या प्री-बुकिंग केलेल्या ग्राहकांसाठीच उपलब्ध आहे. नवीन ग्राहकांसाठी या स्कूटरची किंमत जानेवारी 2024 मध्ये जाहीर करण्यात येणार आहे. त्यामुळे या बजेट-फ्रेंडली स्कूटरबद्दल उत्सुक असलेल्यांना आणखी काही काळ वाट पाहावी लागणार आहे.

‘डॉट वन’ ही भारतातील इलेक्ट्रिक वाहन क्षेत्रातील आणखीन एक मोठी झेप आहे. किफायतशीर किंमत आणि चांगल्या रेंजसह ही स्कूटर इलेक्ट्रिक वाहन वापरण्याचा विचार करणाऱ्यांसाठी आकर्षक पर्याय ठरू शकते.

Web Title : Electric Scooter | Book now or miss out! Simple Energy’s ‘Dot One’ bang entry running 151 km in a budget of 1 lakh!

हेही वाचा