BASF | बीएएसएफचे नवीन कीटकनाशक ‘इफिकॉन’ भारतीय शेतकऱ्यांसाठी
BASF | हैदराबाद, 11 मे 2024: जर्मनीतील बहुराष्ट्रीय कंपनी बीएएसएफने आज भारतीय शेतकऱ्यांसाठी ‘इफिकॉन’ नावाचे नवीन, अत्याधुनिक तंत्रज्ञानावर आधारित कीटकनाशक बाजारात आणले आहे. ‘इफिकॉन’ हे रसशोषक किडींपासून पिकांचे संरक्षण करते आणि कापूस, भाजीपाला आणि इतर अनेक पिकांसाठी प्रभावी आहे.
बीएएसएफच्या आशिया-पॅसिफिक विभागाचे (कृषी उपाय) वरिष्ठ उपाध्यक्ष सिमोने बर्ग यांनी सांगितले की, “भारत हा कापूस आणि भाजीपाला उत्पादनात आघाडीवर आहे, परंतु रसशोषक किडीमुळे या पिकांच्या उत्पादनात 35 ते 40 टक्क्यांपर्यंत घट येते. ‘इफिकॉन’ हे नवीन कीटकनाशक या समस्येवर उपाययोजना करण्यासाठी विकसित करण्यात आले आहे.”
‘इफिकॉन’ हे आंतरप्रवाही कीटकनाशक आहे ज्यामध्ये ॲक्सालिऑन (डिमप्रॉपीरायडॅझ १२ एसएल) हा मुख्य घटक आहे. हे कीटकनाशक मावा, तुडतुडे आणि पांढरी माशी यांच्या विविध वाढीच्या अवस्थेत नियंत्रण करते आणि कापूस, मिरची, टोमॅटो, वांगी आणि काकडी यासारख्या पिकांसाठी शिफारस केले जाते.
‘इफिकॉन’ची कार्यपद्धती (मोड ऑफ ॲक्शन) असलेला रासायनिक गट (आयरॅक गट क्र ३६) एकमेवाद्वितीय आहे, ज्यामुळे प्रतिकार व्यवस्थापन प्रभावी होण्यास मदत होते.
हे कीटकनाशक फवारणीनंतर दीर्घ काळ टिकून राहते आणि ‘लेबल क्लेम’नुसार वापरल्यास मित्रकीटक आणि मधमाशींसाठी सुरक्षित आहे.
बीएएसएफचे ‘ग्लोबल स्ट्रॅटेजिक मार्केटिंग’ विभागाचे वरिष्ठ उपाध्यक्ष डॉ. मार्को ग्रोझडॅनोव्हिक यांनी सांगितले की, “जागतिक लोकसंख्या वाढत आहे आणि हवामान बदल, दुष्काळ आणि तापमान यासारख्या अनेक आव्हानांना तोंड द्यावे लागत आहे. अशा परिस्थितीत अन्नसुरक्षा निर्माण करण्यासाठी आणि जगभरातील शेतकऱ्यांच्या गरजा पूर्ण करण्यासाठी बीएएसएफ शाश्वत उपाय विकसित करण्यासाठी आपले संशोधन कौशल्य वापरत आहे.”
‘इफिकॉन’ हे बीएएसएफच्या नवीन तंत्रज्ञानाचे उत्तम उदाहरण आहे. ऑस्ट्रेलिया आणि कोरियानंतर हे कीटकनाशक आता भारतीय शेतकऱ्यांसाठी उपलब्ध आहे.
बीएएसएफ विविध भागीदारी संस्थांसोबत काम करत आहे आणि विविध गुणधर्माच्या पीकजाती, बियाणे आणि डिजिटल तंत्रज्ञानातही संशोधन करत आहे.
‘इफिकॉन’ हे भारतीय शेतकऱ्यांसाठी एक मौल्यवान साधन आहे जे त्यांना रसशोषक किडींपासून पिकांचे संरक्षण करण्यास आणि उत्पादन वाढवण्यास मदत करेल.
Web Title: BASF | BASF’s new insecticide ‘Eficon’ for Indian farmers
