Monsoon |मुंबई, 19 जून 2024: उत्तर भारतात सध्या उष्णतेच्या लाटेचा सामना करावा लागत आहे. यूपी-बिहार, पंजाब, राजस्थान आणि मध्य प्रदेश या राज्यांमध्ये तापमान ४५ अंशांच्या जवळपास आहे. हवामान खात्याने अंदाज वर्तवला आहे की पुढील २४ तासांत या भागात उष्णतेची लाट कमी होईल.
दुसरीकडे, महाराष्ट्रात मान्सून पुन्हा सक्रिय होत आहे. राज्यातील अनेक भागात पावसाने हजेरी लावली आहे. मुंबईत मात्र अद्याप मुसळधार पावसाची प्रतीक्षा आहे. हवामान खात्याने (IMD) पुढील ४८ तासांत मुंबई, ठाण्यात मुसळधार पावसाची शक्यता वर्तवली असून यलो अलर्ट जारी केला आहे.
मुंबई आणि उपनगरांसाठी पुढील २४ तासांचा अंदाज:
- आकाश ढगाळ राहील.
- मध्यम पाऊस / मेघगर्जनेसह पावसाची शक्यता आहे.
- काही ठिकाणी मुसळधार पावसाची शक्यता आहे.
- कमाल आणि किमान तापमान अनुक्रमे ३५°C आणि २६°C च्या आसपास असेल.
वाचा:Monsoon |महाराष्ट्रात मान्सून: मुंबईत मंगळवारपासून पाऊस, उर्वरित राज्यात २३ जूनपासून
इतरत्र पावसाची शक्यता:
- पुढील 3-4 दिवसांत महाराष्ट्र, छत्तीसगड, ओडिशा, किनारी आंध्र प्रदेश आणि वायव्य बंगालच्या उपसागराचा काही भागात पाऊस पडण्याची शक्यता आहे.
- अरुणाचल प्रदेश, आसाम, मेघालय, नागालँड, मणिपूर, मिझोराम, त्रिपुरा आणि उप हिमालयीन पश्चिम बंगालमध्ये पुढील पाच दिवस हलका ते मध्यम पाऊस पडेल.
- 18-21 जून दरम्यान गुजरात, कोकण, गोवा आणि मध्य महाराष्ट्रातील घाट भागात हलका ते मध्यम पाऊस पडण्याची शक्यता आहे.
- दक्षिण भारतात पुढील पाच दिवस कर्नाटक, केरळ, माहे, लक्षद्वीप, किनारी आंध्र प्रदेश, यानम, रायलसीमा, तेलंगणा, तामिळनाडू आणि पुडुचेरी मध्ये पाऊस पडण्याची शक्यता आहे.
- पूर्व मध्य प्रदेश, विदर्भ आणि छत्तीसगडमध्ये पुढील पाच दिवस वादळी वाऱ्यासह पावसाची शक्यता आहे.
- उत्तर भारतात १८ ते २० जून दरम्यान जम्मू आणि काश्मीर, लडाख, हिमाचल प्रदेश, उत्तराखंड, हरियाणा, पंजाब, दिल्ली, चंदीगड, उत्तर प्रदेश आणि राजस्थानच्या काही भागात १८ ते २२ जून दरम्यान हलका पाऊस पडण्याची शक्यता आहे.
हवामान (weather) खात्याने नागरिकांना सतर्क राहण्याचे आवाहन केले आहे.
-
-
-
-
-
