UPI ID Closed | सावधान! तुमचा UPI आयडी बंद होऊ शकतो; 31 डिसेंबरपर्यंत हे काम पूर्ण करा जाणून घ्या सविस्तर …

UPI ID Closed | युनिफाईड पेमेंट्स इंटरफेस (UPI) आयडीबाबत एक महत्त्वाची माहिती समोर आली आहे. एका वर्षापासून कोणतेही व्यवहार न केलेल्या UPI आयडी बंद केले जाणार आहेत. यासाठी (UPI ID Closed ) नॅशनल पेमेंट कॉर्पोरेशन ऑफ इंडिया (NPCI) ने सर्व बँका आणि थर्ड पार्टी एप्सना निर्देश दिले आहेत.

या निर्णयामुळे UPI व्यवहार अधिक सुरक्षित होतील आणि चुकीचे व्यवहार थांबतील. NPCI च्या नवीन मार्गदर्शक तत्त्वांनुसार, सर्व थर्ड पार्टी एप्स आणि PSP बँका निष्क्रिय ग्राहकांचा UPI आयडी आणि त्याच्याशी संबंधित मोबाईल नंबरचं व्हेरिफिकेशन करतील. एका वर्षापासून या आयडीवरून कोणत्याही प्रकारचे क्रेडिट किंवा डेबिट केले नसल्यास ते बंद केले जाईल.

NPCI ने असे आयडी ओळखण्यासाठी बँका आणि थर्ड पार्टी एप्सना 31 डिसेंबरपर्यंत वेळ दिला आहे. यामुळे, ग्राहकांना त्यांचे UPI आयडी सक्रिय करण्यासाठी पुरेसा वेळ मिळेल.

वाचा : Gulkand Recipe | विकतचं केमिकलयुक्त गुलकंद खाताय? तर थांबा अन् घरच्याघरीच ‘अशा’ पद्धतीने बनवा १०० टक्के नॅचरल गुलकंद

मोबाईल नंबर बदलल्यामुळे येतात अडचणी

अनेक वेळा लोक आपला मोबाईल नंबर बदलतात आणि त्याच्याशी संबंधित UPI आयडी निष्क्रिय करायला विसरतात. अनेक दिवस तो नंबर बंद असल्याने तो दुसऱ्या कोणाला तरी मिळतो. परंतु, या क्रमांकाशी फक्त जुना UPI आयडी जोडलेला आहे. अशा परिस्थितीत चुकीचे व्यवहार होण्याची शक्यता अनेक पटींनी वाढते.

काय करावे?

जर तुमचा UPI आयडी एका वर्षापासून वापरात नसेल, तर तो सक्रिय करण्यासाठी खालीलपैकी एक पर्याय निवडा:

• तुमचा UPI आयडी वापरून एखादा व्यवहार करा.
• तुमच्या बँकेशी संपर्क साधून तुमचा UPI आयडी सक्रिय करा.
• तुमच्या UPI अॅपमध्ये जाऊन तुमचा UPI आयडी सक्रिय करा.

या 31 डिसेंबरपर्यंत तुमचा UPI आयडी सक्रिय न केल्यास तो बंद होईल.

हेही वाचा :

Web Title : UPI ID Closed | Beware! Your UPI ID may be closed; Complete this task by 31st December Know more…