Taiwan Peru | नेवाशात तैवान पेरूला मागणी वाढत आहे. यामुळे शेतकऱ्यांच्या उत्पन्नात वाढ होत आहे. नेवाशात माळीचिंचोरा येथील डॉ. सुरेश पाटीलबा बेल्हेकर या शेतकऱ्याने (Taiwan Peru) सहा एकर बागेत 110 टन तैवान पेरूचे उत्पन्न घेतले आहे. यामुळे त्यांना 38 लाख रुपयांची कमाई झाली आहे.
डॉ. बेल्हेकर यांनी ऑगस्ट 2019 साली सहा एकर क्षेत्रात तैवान पेरूची लागवड केली. त्यांनी सहा एकर क्षेत्रात जवळपास 4800 झाडांची लागवड केली. या झाडांना शेणखत व जैविक खत न वापरता रासायनिक खत म्हणून स्फूरद, पालाश, युरिया, सिंगल सुपर फॉस्फेट, न्यूरेट पोटॅश या खताची मात्रा वापरली. यामुळे त्यांना चांगले उत्पादन मिळाले.
या बागेत मिडो अर्चड पद्धतीचा अवलंब केला आहे. पहिली फळधारणा 18 महिन्यांनी झाली. काढणीनंतर पन्नास टक्के फांदीची छाटणी केली. मिडो अर्चड पद्धतीचा अवलंब आणि शेणखत व सेंद्रिय खताचा कमी वापर करून पारंपरिक लागवडीस फाटा दिला. आधुनिक तंत्रज्ञानाचा वापर करत तैवान पेरू हे पीक नगदी व कमी खर्चात यशस्वी ठरले आहे.
वाचा : Apple Farming | नादचखुळा! युट्यूबवर व्हिडिओ पाहून थेट महाराष्ट्रातील ‘या’ दुष्काळी भागात केली सफरचंदाची लागवड
सध्या तैवान पेरू बाजारात उपलब्ध असून, माळीचीचोरा येथील तैवान पेरू सुरत, दिल्लीत विक्रीस जात आहे.
पेरू हे पीक कमी पाण्यावर व कोणत्याही जमिनीत येणारे फायदेशिर पीक आहे. तैवान पेरूमध्ये ‘क’ जीवनसत्व खनिजद्रव्य मोठ्या प्रमाणात असतात. दुष्काळी भागात लागवडीस हे पीक हमखास फलदायी उत्पन्न देणारे आहे. पारंपरिक शेतीला फाटा देऊन फळलागवडीचा अवलंब केल्यास भरघोस उत्पन्न मिळते. हे डॉ. सुरेश बेलेकर यांनी दाखवून दिले आहे.
या बातमीतून पुढील मुद्दे समजून येतात:
- तैवान पेरूला मागणी वाढत आहे.
- तैवान पेरू हे पीक कमी पाण्यावर आणि कोणत्याही जमिनीत येते.
- तैवान पेरूमध्ये ‘क’ जीवनसत्व आणि खनिजद्रव्ये मोठ्या प्रमाणात असतात.
- पारंपरिक शेतीला फाटा देऊन फळलागवडीचा अवलंब केल्यास भरघोस उत्पन्न मिळते.
Web Title : Taiwan Peru | Taiwan Peru’s income in a modern way! 38 lakhs from 6 acres! Read the farmer’s success story!
हेही वाचा
-
-
-
-
-
