School Nutrition | सरकारने शालेय पोषण आहारात अंडी आणि केळीचा समावेश केला, आता शेतकऱ्यांपासून थेट खरेदी करण्याचा निर्णय घ्यावा!

School Nutrition | राज्यातील शासकीय आणि शासन अनुदानित शाळांमध्ये पहिली ते आठवीच्या विद्यार्थ्यांना शालेय पोषण आहार योजनेच्या माध्यमातून सकस आणि पौष्टिक आहार देण्यासाठी राज्य सरकारने महत्त्वाचा निर्णय घेतला आहे. या निर्णयानुसार, विद्यार्थ्यांना नियमित (School Nutrition) आहाराव्यतिरिक्त आठवड्यातून एक दिवस अंडी किंवा केळी दिली जाणार आहेत.

अंड्यांमध्ये प्रथिने, जीवनसत्त्वे आणि खनिजे भरपूर प्रमाणात असतात. केळीमध्ये पोटॅशियम, जीवनसत्त्वे आणि फायबर असतात. या दोन्ही पदार्थांचा समावेश शालेय पोषण आहारात केल्याने विद्यार्थ्यांना पुरेशी पौष्टिकता मिळेल आणि त्यांचे आरोग्य चांगले राहण्यास मदत होईल.

वाचा : Satabara | शेतकऱ्यांनो तुमच्याकडील सातबारा खरा आहे की बोगस? चुटकीसरशी ‘या’ सोप्या पद्धतीने जाणून घ्या सविस्तर

हा उपक्रम 23 आठवड्यांकरता सुरू राहणार आहे. ग्रामीण भागात शाळा व्यवस्थापन समितीमार्फत आणि नागरी भागात केंद्रीय स्वयंपाकगृह प्रणालीमार्फत हा उपक्रम राबविण्यात येईल.

थेट खरेदी..
राज्य सरकारने अंडी आणि केळी शेतकऱ्यांपासून थेट खरेदी करण्याचा निर्णय घेतला पाहिजे. यामुळे शेतकऱ्यांना त्यांच्या उत्पादनाची हमीभाव मिळेल आणि त्यांचे उत्पन्न वाढण्यास मदत होईल. तसेच, अंडी आणि केळी थेट शेतकऱ्यांपासून खरेदी केल्यास सरकारला कमिशन द्यावे लागणार नाहीत, त्यामुळे सरकारचा खर्चही कमी होईल.

सरकारने या निर्णयावर विचार करून शेतकऱ्यांपासून थेट खरेदी करण्याची प्रक्रिया सुरू करावी. यामुळे शेतकऱ्यांना आणि विद्यार्थ्यांना दोघांनाही फायदा होईल.

हेही वाचा :

Web Title : School Nutrition | Govt included egg and banana in school nutrition, now decide to buy directly from farmers!