Tur variety | राहुरी, 4 जून 2024: महात्मा फुले कृषी विद्यापीठ, राहुरी अंतर्गत कडधान्य सुधार प्रकल्पाने विकसित केलेला ‘फुले पल्लवी’ नावाचा नवीन तूर वाण अखिल भारतीय समन्वित संशोधन प्रकल्प खरीप कडधान्य, कानपूर द्वारे मान्य करण्यात आला आहे. 155 ते 160 दिवसांच्या मध्यम पक्वता कालावधी असलेला हा वाण देशाच्या मध्य भागात – महाराष्ट्र, मध्य प्रदेश, छत्तीसगड, गुजरात आणि राजस्थान या राज्यांमध्ये लागवडीसाठी शिफारस करण्यात आला आहे.
उत्पादकता आणि रोगप्रतिकारशक्ती:
- ‘फुले पल्लवी’ या वाणाची सरासरी उत्पादकता प्रति हेक्टरी 21.45 क्विंटल इतकी आहे.
- या वाणाची दाणे टपोरी आणि फिकट तपकिरी रंगाची असून, 100 दाण्यांचे वजन 11.0 ग्रॅम आहे.
- मर आणि वांझ या तूर पिकातील प्रमुख रोगांना हा वाण मध्यम प्रतिकारशक्ती दर्शवतो.
- शेंगा पोखरणारी अळी आणि शेंगमाशी या किडींपासूनही या वाणाला कमी धोका आहे.
वाचा : Fight | लग्नमंडपातच नवरा-नवरीमध्ये तुंबळ हाणामारी! काय घडलं बरं?३६ गुण जुळले…
विकास आणि योगदान:
- ‘फुले पल्लवी’ (फुले तुर 12-19-2) हा वाण विकसित करण्यात डॉ. एन.एस. कुटे (पीक उत्पादन तज्ञ आणि प्रमुख शास्त्रज्ञ), डॉ. व्ही.एम. कुलकर्णी (वरिष्ठ संशोधन सहाय्यक), डॉ. व्ही.ए. चव्हाण (तूर रोगशास्त्रज्ञ) आणि डॉ. सी.बी. वायळ (तूर किटकशास्त्रज्ञ) यांच्यासह अनेक शास्त्रज्ञांनी महत्त्वपूर्ण योगदान दिले आहे.
- महात्मा फुले कृषी विद्यापीठाचे कुलगुरु डॉ. पी.जी. पाटील आणि संशोधन संचालक डॉ. सुनील गोरंटीवार यांच्या मार्गदर्शनाखाली हे संशोधन पूर्ण झाले.
महत्त्व:
‘फुले पल्लवी’ या नवीन तूर वाणाच्या आगमनाने, शेतकऱ्यांना अधिक उत्पादन आणि चांगल्या प्रतीची तूर मिळण्यास मदत होईल. तसेच, रोग आणि किडींपासून होणाऱ्या नुकसानीपासूनही संरक्षण मिळेल.
संबंधित लेख
-
-
-
-
-
