आर्थिक
Minimum Bank Balance | बँक खात्यात निगेटिव्ह व मिनिमम बॅलन्स: काय आहेत नियम?
Minimum Bank Balance | बऱ्याच जणांना बँक खात्यात निगेटिव्ह बॅलन्स येण्याची समस्या भेडसावते. अशा परिस्थितीत काय करावे? आरबीआयचे काय नियम आहेत?
नियम आणि आरबीआयचे निर्देश:
- आरबीआयच्या (RBI) मार्गदर्शक तत्त्वांनुसार, जर तुमच्या बँक खात्यात मिनिमम बॅलन्स नसेल तर बँक तुमच्या अकाउंटमधील बॅलन्स मायनस करू शकत नाही.
- 2014 मध्ये जारी केलेल्या निर्देशांनुसार, बचत खात्यांमध्ये मिनिमम बॅलन्स न ठेवल्यास बँक खात्यातली रक्कम मायनस करू शकत नाही.
- बँकांनी मिनिमम बॅलन्स न ठेवल्यास आकारण्यात येणाऱ्या दंडाची माहिती ग्राहकांना द्यावी लागेल.
- खात्यात मिनिमम बॅलन्स न ठेवल्यास बँकेतील बचत खात्यात केवळ शून्य होईपर्यंत पैसे कापता येतात, ते मायनल बॅलन्समध्ये बदलता येत नाहीत.
वाचा :Horoscope|तीन राशींसाठी यशाने भरलेला दिवस, जाणून घ्या तुमचे आजचे राशीभविष्य
दंड आणि सेवा:
- मिनिमम बॅलन्स न ठेवल्यास दंड आकारण्याऐवजी बँका अशा खात्यांवर उपलब्ध असलेल्या सेवा बंद करू शकतात.
- खात्यात पैसे आल्यावर आधीच्या सेवा पुन्हा बहाल करता येऊ शकतात.
- जर एखाद्याला आपलं बँक खातं बंद करायचं असेल तर बँकांना ते पूर्णपणे फ्रीमध्ये बंद करावे लागेल.
बेसिक अकाउंट:
- बँकांकडे आणखी एक ऑप्शन असतो, तो म्हणजे ग्राहकांची परवानगी घेऊन ते अशा अकाउंटचे बेसिक बचत अकाउंटमध्ये रूपांतर करू शकतात.
- यामध्ये, झिरो बॅलन्सवर काही किरकोळ सुविधांसह अकाउंट चालू राहते.
येस बँक दंड:
- नुकतेच, येस बँकेला आरबीआयने मिनिमम बॅलन्सच्या नियमांचे उल्लंघन केल्याबद्दल 91 लाख रुपयांचा दंड ठोठावला आहे.
ग्राहकांना काय करावे?
- बँक खात्यात निगेटिव्ह बॅलन्स येऊ नये यासाठी ग्राहकांनी मिनिमम बॅलन्सची पूर्तता करणे आवश्यक आहे.
- जर तुमच्या खात्यात निगेटिव्ह बॅलन्स आला असेल तर त्वरित बँकेशी संपर्क साधा आणि दंड आणि सेवा बंद होण्याबाबत माहिती घ्या.
- तुम्ही तुमचे खाते बंद करून दुसऱ्या बँकेत खाते उघडू शकता.