Crop Damage | शेतकऱ्यांसाठी आनंदाची बातमी! ‘या’ जिल्ह्यातील अतिवृष्टीग्रस्त शेतकऱ्यांच्या खात्यावर पैसे जमा होण्यास सुरुवात

Crop Damage | गेल्यावर्षी अतिवृष्टीमुळे शेतकऱ्यांच्या शेती पिकांचे मोठ्या प्रमाणात नुकसान झाले होते. शेती पिकांचे नुकसान झाल्यामुळे शेतकऱ्यांना आर्थिक फटका बसला होता. थेट शेतीतील पिक उत्पादनावर (Crop Damage) याचा परिणाम झाला होता. यामुळे शेतीमाल कमी निघाला आहे. शेतकऱ्यांचे अतिवृष्टीमुळे (Crop Damage) नुकसान झाले असल्यामुळे राज्य शासनाच्या माध्यमातून शेतकऱ्यांना आर्थिक मदत जाहीर करण्यात आली होती. याच नुकसानग्रस्त शेतकऱ्यांसाठी राज्य शासनाच्या माध्यमातून एक मोठा निर्णय घेण्यात आला आहे.

अतिवृष्टी भरपाईची घोषणा
सप्टेंबर आणि ऑक्टोबर 2022 मध्ये अतिवृष्टीमुळे शेतकऱ्यांचे मोठ्या प्रमाणात नुकसान झाले होते. याच नुकसानीसाठी राज्य शासनाच्या माध्यमातून शासन निर्णय घेऊन 17 नोव्हेंबर 2022 रोजी जालना जिल्ह्यासाठी मदतीची घोषणा करण्यात आली होती. याच संदर्भात एक महत्त्वपूर्ण अपडेट समोर आली आहे समोर आले आहे. या शासन निर्णयानुसार नुकसानग्रस्त शेतकऱ्यांसाठी मदतीच्या निधीची घोषणा करण्यात आली होती.

किती निधी झाला मंजूर?
अतिवृष्टीमुळे नुकसानग्रस्त जालना जिल्ह्यातील 3 लाख 69 हजार शेतकऱ्यांसाठी 397 कोटी 73 लाख इतका निधी मंजूर करण्यात आला होता. आता याच निधीचे वाटप होण्यास सुरुवात झाली आहे. त्यामुळे जालना जिल्ह्यातील नुकसान ग्रस्त शेतकऱ्यांना मोठा आर्थिक दिलासा मिळणार आहे. राज्य शासनाच्या माध्यमातून 10 जिल्ह्यातील शेतकऱ्यांना तब्बल 1286 कोट रुपयांचा निधी मंजूर करण्यात आला होता.

कोणाला मिळणार मदत?
जालना जिल्ह्यामध्ये ज्या शेतकऱ्यांचे या अतिवृष्टीमुळे नुकसान झाले आहे त्या पात्र शेतकऱ्यांना या मदतीचे वितरण होणार आहे. 24 तासांमध्ये 63 मिलीमीटरपेक्षा अधिक पावसाची नोंद झालेल्या तसेच 33 टक्क्यांहून अधिक नुकसान झालेल्या महसूल मंडळातील शेतकऱ्यांना या मदतीचा लाभ मिळणार आहे.

मी E-शेतकरी आता टेलीग्राम आणि व्हाट्सअँप वर जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

आजच ताज्या बातम्यांसाठी मी E-शेतकरी मोबाईल अ‍ॅप डाऊनलोड करा; येथे क्लिक करून डाउनलोड करा..

हेही वाचा:

• शेतकऱ्यांसाठी खुशखबर! अक्षय तृतीयाच्या शुभमुहूर्तावर निम्म्या किंमतीत मिळणारं ट्रॅक्टर, त्वरित करा अर्ज
• दुधाबाबत राज्य सरकारचा मोठा निर्णय! आता ‘हा’ नियम कंपन्यांना पाळणे बंधनकारक, शेतकऱ्यांची लूट थांबून होणार आर्थिक फायदा

Web Title: Good news for farmers! Money has started to be deposited in the accounts of farmers affected by heavy rains in district