ताज्या बातम्या
Mobile Recharge|एअरटेलनेही मोबाइल रिचार्ज महाग केले! जुलैपासून नवीन दर लागू, किती वाढली तुमची योजना?
Mobile Recharge|नवी दिल्ली (लोकमत न्यूज नेटवर्क): रिलायन्स जिओनंतर आता भारती एअरटेलनेही आपल्या विविध मोबाइल सेवांच्या दरात 10 ते 21 टक्के वाढ केली आहे. हे दर 3 जुलैपासून लागू होतील.
एअरटेलने का केली दरवाढ?
एअरटेलचे म्हणणे आहे की, दूरसंचार क्षेत्रासाठी टिकावू व्यवसाय मॉडेल बनवण्यासाठी प्रतिवापरकर्ता महसूल (ARPU) 300 रुपयांपेक्षा जास्त असणे आवश्यक आहे. तसेच, नेटवर्क तंत्रज्ञान आणि स्पेक्ट्रममध्ये गुंतवणूक करण्यासाठी आणि गुंतवणुकीवर चांगला परतावा मिळवण्यासाठी हा दर आवश्यक आहे.
किती वाढली तुमची योजना?
- अमर्याद ‘व्हॉइस प्लॅन’चा दर 179 रुपयांवरून 199 रुपये होईल. (28 दिवसांची वैधता)
- 455 रुपयांच्या प्लॅनची किंमत आता 509 रुपये असेल. (84 दिवसांची वैधता)
- 265 रुपयांच्या प्लॅनसाठी आता 299 रुपये द्यावे लागतील. (28 दिवसांची वैधता)
- 299 रुपयांच्या प्लॅनची किंमत आता 349 रुपये असेल. (28 दिवसांची वैधता)
- 359 रुपयांच्या प्लॅनसाठी आता 409 रुपये द्यावे लागतील. (28 दिवसांची वैधता)
- 2999 रुपयांच्या प्लॅनसाठी आता 3599 रुपये द्यावे लागतील. (365 दिवसांची वैधता)
व्होडाफोन आयडिया काय करणार?
व्होडाफोन आयडियाकडूनही लवकरच दरवाढीची घोषणा होण्याची शक्यता आहे. दरवाढीनंतर, एअरटेलचे बहुतांश मोबाइल प्लॅन जिओच्या प्लॅनपेक्षा महाग असतील.